घरे मराठी माणसांनाच द्या.

म्हाडाने गृहयोजनेतील ८० टक्के घरे मराठी माणसांनाच द्यावीत, अशी मागणी शिवसेनेने केली आहे. मुंबई सर्वप्रथम मराठी माणसांची आहे. त्यामुळे घरे देताना मराठी माणसांना प्राधान्य द्यायलाच हवे असे शिवसेनेचे म्हणणे आहे. पैसे घेऊन बेकायदा परवाने मंजूर केले जातात. परप्रांतियांनी अनधिकृत बांधकाम केले तरी त्याकडे दुर्लक्ष होते. त्यामुळेच मुंबईतला मराठी माणसाचा टक्का कमी होत आहे.
ही परिस्थिती बदलण्यासाठी आणि राज्याच्या राजधानीतला मराठी टक्का वाढवण्यासाठी म्हाडाने मराठी माणसांना योजनेतील ८० टक्के घरे द्यायला हवीत अशी मागणी शिवसेनेने केली आहे. अनेक अमराठींना मुंबई महाराष्ट्रापासून तोडायची आहे. मुंबईतला मराठी टक्का वाढला तर त्यांचा डाव उधळून लावता येऊ शकतो. त्यामुळे म्हाडाने मराठी माणसांना प्रामुख्याने घरांचे वाटप करावे, असे आवाहन शिवसेनेने केले आहे. दरम्यान, मुंबईतल्या गृहनिर्माण योजनेसाठी म्हाडाने सोमवारी सकाळपासून सर्वसामान्यांना अर्ज वाटप सुरू केले आहे. अर्जाची किंमत १०० रुपये असून ते फक्त एचडीएफसीच्या मुंबईतील २२ शाखांमध्ये उपलब्ध आहेत. अर्ज मिळवण्यासाठी मुंबईकरांची झुंबड उडाली आहे. तीन हजार ८६३ घरांसाठी हजारो मुंबईकर रात्रीपासूनच बँकेच्या विविध शाखांवर रांगेत उभे आहेत. त्यामुळे बँकेच्या सगळ्या शाखांना पोलिस बंदोबस्त पुरवण्यात आला आहे.

Read more! / पुढे वाचा..